د هرات والی په دغه ولایت کې د ۲۰۰ میګاواټه بادي برېښنا د تولید پروژې له پلي کولو څخه خپل ملاتړ څرګند کړ
د هریرود- مرغاب سیندیزې عمومي حوزې رئيس محترم مولوي عبدالسلام مستوفي آغا او ورسره مل د ۷۷ ترکی شرکت مرستیال د هرات له والي محترم مولانا نوراحمد اسلام جار سره وکتل او په دغه ولایت کې یې د ۲۰۰ میګاواټه بادي برېښنا د تولید پروژې د څرنګوالي په هکله بحث او د اندونو تبادله وکړه.
په دغه لیدنه کې، د هرات والي د نوموړې حوزې له رئیس او د یاد شرکت له مرستیال سره د دغې پروژې د پلي کولو په برخه کې د هر اړخیزې همکاري ډاډ ورکړ او خپل ملاتړ یې څرګند کړ.
