د آمو سیند غاړو د تحکیماتو پروژه د 15 میلیونه افغانیو په ارزښت د جوزجان ولایت په قرقین او خماب ولسوالیو کې بشپړه شوه
د یادې پروژې د بشپړېدو مناسبت غونډه د شمال سیندیزې حوزې عمومي رئیس مولوي عبدالحکیم حاجی حکمت، د جوزجان سیندیزې فرعي حوزې رئیس ملا سعدالدین سلیمي، د قرقین ولسوالي ولسوال قاري حبیب الله محسن او یو شمېر نورو سیمه ییزو مسئولینو او قومي مشرانو په ګډون ترسره شوه او یادو ګډونوالو د نوموړي سیند شاوخوا کرنیزو ځمکو او استوګنو کورونو د ویجاړېدو په مخنیوې کې د یادې پروژې د ارزښت په هکله هراړخیزې ویناوې وکړې.
د آمو سیند غاړو د تحکیماتو پروژه د یاد سیند شاوخوا کرنیزو ځمکو او استوګنو کورونو د ویجاړیدو د مخنیوي په موخه درې میاشتې وړاندې پیل شوې وه چې نن یې عملي چارې پای ته ورسیدې.
د یادونې وړ ده، چې نوموړې پروژه د 15 میلیونه افغانیو په ارزښت د جوزجان ولایت په قرقین او خماب ولسوالیو کې د افغانستان اسلامي امارت په لګښت بشپړه شوه او انشاءالله په راتلونکي کې به هم د پلې شوو پروژو د حفظ او مراقبت او د آمو سیند د سواحلو د بنیادي تحکیماتو لپاره لازیاتې پروژې پلي شې.
